Eppes vun dem Jake!

Guder Daag Blog Leser! Well, des Woch bring ich eich widder eppes vun en Fan. Der Jake Wentzel hot mir en Gschicht iwwer sei Daadi gschriwwe. Nau, der Jake kann Deitsch lese un verschteh, awwer er kann es net so gut schreiwe. So fer des Blog Poscht duh ich eppes as ich nimmi geduh hab, ich waerr glee bissel Englisch gewwe! Yuscht des Mol! Do iss was der Jake iwwer sei Daadi gschriwwe hot, sell iss uff Englisch, in sei Wadde. Dann kummt die Gschicht. Es waar aa uff Englisch gschriwwe, awwer ich hab es uff Deitsch iwwersetzt. Viel Gschpass bei lese!

I am not good at writing in Dutch but following is a story of my father you may find interesting.  He spent his entire life in Berks County and died there at the age of 100.  He was a scholar with degrees from Franklin & Marshall and Columbia in New York City where he spent several summers learning from John Dewey and other giants of educational philosophy at that time.  He finished his 55-year career teaching senior English at Mt Penn HS.  But he was fluent in PAD and frequently enjoyed speaking it with others including my wife’s Dad.  One of his favorite stories involved a father and son who was prone to get excited and make wild statements.  So his Dad told him that he was to think three times before he spoke.  One day they were burning brush and the father’s pants caught on fire.  The son cried out in alarm saying “Daadi ich denk, Daadi ich denk, Daadi ich denk dei hosse arsch brennt!”  Dad was certified to teach English, German, and Greek but he loved his PAD. My Dad was Jacob Dehart Wentzel and he lived his entire life within several miles of the family farm on which he grew up.  The farm is on Friedensburg Road in Stony Creek Mills

Mei Daadi, der Yaeger

Daadi hen geliebt zu laerne, un hot die Gleenigkeite vun Schprooche arrig gegliche, awwer sei Zarn waar yaage, abaddich Ringneck Fassante. Ass ich en Bu waar, hot es arrig viel Fassante do in Pennsylvaania gewwe. Ich kann gut errinnere, wann mer newwe en frischliche geblugte Feld vorbeigfaahre iss, hot mer 25-30 Fassante zaehle gekennt. Der Daadi hot sie unbarmharzich geyaagt un ee Yaahr hot er sei 12 Veggel mit yuscht 12 Schusse grickt. Er hot allsfatt Englisch Setters ghatt, die waare net so gut abgericht, die en Tendency ghatt hen all die Veggel rauszuschtiwwere zu weit weck vun uns, awwer sell hot ihn net gebaddert.

Der Daadi hot ken Hiesicht fer Private Property wann es en Gelegeheit gewwe hot um en Fassant odder Haas zu finne.  Efders sin mir darrich annere Leit ihre Gaarde odder Blummegebisch gedratscht. Er hot mich gelaernt mei License Nummer zu verschteckele wann epper am greische waar. Ee mol waare mir uff en Ufer newwich en Highway am yaage un en Haas iss midde in die Schtrosse nunnergeschprunge. Ich waar reddi zu schiesse, awwer ich hab net gschosse. Der Daadi waar net so froh deswege. Regel hen ken Rolle gschpielt wann mir uff der Yacht waare. Am End vun en lange Daag, darrich die Felder geloffe un ken Fassante zu sehne, hot er oft en Fersandehinkel gschosse. Dann daet er saage, “Oops, die Sunn waar in mei Aage.” Ee Daag hot er so en “Goof” geduh un as mir heem kumme sin, bin ich ins Haus gange. Ich hab aus em Fenschder geguckt un ich hab der Daadi mit en Game Warden gsehne! Sie waare am schwetze un der Daadi hot Fersandehinkel Feddre aus allebeed Seite vun seim Rock rausgschtocke. Awwer yederman hot der Jake gekennt un er hot nimmi en Schtrof grickt.

Nooch sei Retirement, Hasch yaage hot ihm in Diesember gschefdich ghalde. Er waar en Glied zu en Deer Camp in nadd-Barricks Kaunty, “Die Eck” waar gschwischich Eckville un Hawk Mountain. Er hot net so viel Glick datt ghatt awwer darrich die Yaahre as die Hasch meh suddlich gange sin, hot er Gebliete mit Bauere gemacht. Ee Yaahr, waar er am Wei mit en Bauer an sei Kichdisch am drinke un sie hen en Hasch draus im Feld gsehne. Der Daadi hot sei Woolrich Rock ruhig aageduh, iss drausgange un hot ihn gschosse. Der Bauer iss aa draus mit sei Traktor kumme. Zamme hen sie der Hasch zerick in die Scheier gschleppt. Net en typical Yacht!

Do iss en Audio Klip: 

Published in: on 29/04/2017 at 06:00  Leave a Comment  

78th Pennsylvaanisch Deitsch Versommling vun Barricks Kaunty!

Guder Daag Blog Leser! Heit will ich en Link gewwe zu en Video as ich am Mundaag gemacht hab. Ich waar widder da heem in Leesport, PA fer die 78th Pennsylvaanisch Deitsch Versommling vun Barricks Kaunty. Viel Gschpass bei aagucke!

78th Deitsche Versommling vun Barricks Kaunty

Published in: on 22/04/2017 at 06:13  Leave a Comment  

Eppes vun dem Eric!

Guder Daag Blog Leser! Well, des Woch kumm ich widder mit en Gascht Schtick! Des Mol kummt es vun dem Eric McClain. Gross Dank fer dei Schreiwes!

Mei Familia iss vun Deitschland noch Russland ausgewannert un hun an der Volga gelebt. Un dann sin sie weider noch Amerika gefohra un hun in Kansas gesiedelt (circa 1890). Die worra Lutherische un worra hartschaffiga Leit. Der Dialekt, wu mir hun geschwetzt, iss net so onnerschda vun dei PA Deitsch, avver hot aa paar komischa Worda: Strummbeera (strawberries), Gevetchga (vegetables), Woes (aunt), Vedder (uncle, not cousin), Geschwisterkind (cousin), usw. (I learned High German in school and only heard this dialect, so I’m trying to spell it as I remember it. Our original forefather came from Kleingartach, a little town near Stuttgart in Baden-Wuerttemberg.)

Die Weibsleit konnda orrig gut kocha! Die Rezepta, wu ich hun geglicha, worra Grautbierocks (cabbage rolls), Dinnakucha (“thin” coffee cake mit Schlecksel [watermelon syrup] un Rivvel [streusel] druff) un Peffernuss Brot (spiced bread with watermelon syrup and anise flavoring). Mei Verwandta worra guda, fromma Leit un konnda guda Geschichta vezaehla. Ich bin stoltz, en Daal vun ihna zu sei. Do is en aldes Gedicht vun meinre Kindhaat:

 Du bischt net schee, du bischt net schee,

Du hoscht kei rota Backa meh –

Rota Backa, weissa Zaeh,

O, du lieva Zeit, wie schee!

Published in: on 07/04/2017 at 04:15  Comments (3)  

Eppes vun dem Dennis!

Guder Daag Blog Leser! Well, des Woch kumm ich widder mit eppes vun dem Fan. Des Mol hot dem Dennis Neef eppes fer mei Blog gschriwwe. Wann du aa eppes fer mei Blog schreiwe witt, schick mich yuscht mol en EPoscht! Awwer fer nau, saag ich eefach, Gross Dank Dennis! Viel Gschapss bei lese!

Een guude Daach Douglas,

Ich kann zwar koo PA Deitsch, awwer Rhoihessisch is dodefun gar net so weit entfernt. Mit Begeisterung les ich doin Blog und guck mer aach dei Videos uff Youtube an, du bischd sogar schun e bissche berühmt unner de Hobbyhistoriker in unserer Umgebung.
Es PA Deitsch is wie en Mischung zwische Pälzisch, Rhoihessisch un Hessisch, do dezu noch e paar neie Worte aus em Amerikanische. Moin Alderskamerad und ehemalischer Nochber, de Dr. Helmut Schmahl macht jo sehr viel in Geschichte un Ahneforschung. Er hot mir emol erzählt, wie er es erschde mol in PA war un PA Deitsche begegnet is. Die hun en dann gefroot ob er en Darmstädter is? Do hot er sich erschd emol gewunnert, hot awer schnell die Lösung gefunn. Als die Leit damals no Amerika ausgewannert sin, hot unser Heimat jo noch zum Herzogtum Hessen geheert, nachdem mer vum Napoleon befreit wor sin, is vor 200 Johr des Gebiet Rheinhessen gegründet wor. Mer haben awwer weiter zum Herzogtum Hessen geheert und sin vun Darmstadt aus regiert wor. Noch em zwotte Weltkriesch, ist aber des neie Bundesland Rheinland-Pfalz gegründet wor un jetzt geheer mer dodzu und wenn jetzt vun Mainz aus regiert. Rhoihesse, die Palz, de Hunsrück und die Eifel geheern jetzt alles zu Rheinland-Pfalz. Rhoihesse is e schee Fleecksche Erd, mit dem greeschte Anbaugebiet fer Woi in Deitschland. Ich bin in Worms am Rhoi uff die Welt kumm, e scheene Stadt mit ner Kathedral und viele annere Kersche. Beriehmt is Worms vor allem wesche de Nibelungensage vom Siegfried dem Drachetöter und em Martin Luther, der uff em Wormser Reichstdaach soi beriehmte Worte “Hier steh ich, und kann nicht anders…” gesaagt hot. Wohne du ich awwer schun moi ganzes Lebe in Ober-Flörsheim, em klone Dörfche mit ca. 1350 Eiwohner. Moi Vorfahre waren Mennonite aus de Schweiz un die sin 1682 hierher kumm un hun sich hier niedergeloss (Hot aach de Helmut Schmahl rausgefunn).
In moim Ort un in de Nachbardörfer hun frieher jede Menge Mennonite gewohnt, awwer es wern immer wenischer. Bei uns im Dorf is sogar noch en alde Mennonite Friedhof, sin awwer koo Grabsteine mehr druff. Als mer vom Napoleon regiert wor sin, hot er verbote dass es getrennte Friedhöf gibt, ab do mussten alle Leit uff einem Friedhof beerdigt wern.  Annsunschd werd sich bei uns im Ort viel um historisches gekümmert. Bei uns hat de Deitsche Ritterorden üwwer paar hunnert Johr eine Kommende vun der noch viel üwwerisch is. En alte historische Torturm, es Herrenhaus in dem jetz die Vereine un unser Heimatmuseum unnergebrung sin. In dem Haus hot aach de Feldmarshall Blücher mehre Woche Quartier bezoche. Wie du siesch, werde aach bei uns in Deitschland im kloone ländlische Raum die Geschichte und Kultur hochgehall und es freit uns dass des aach noch in Amerika so is. Ich will hoffe, dass der des lese vum Rhoihessische net so schwer gefall is. Wenn es der gefall hot und de mee wisse willschd, kannscht mich jederzeit frooche.
In diesem Sinne liewe Griess üwwer de grosse Teich und em typische rhoihessische Abschiedsgruss: mach´s emol guud
– Dennis Neef
Published in: on 31/03/2017 at 18:37  Comments (1)  

Eppes vun dem Jim!

Guder Daag Blog Leser! Well, letschde Woch hawwich gschriwwe ass ich en Eilaading gewwe hab. Ya, en Eilaading fer dihr eppes fer mei Blog zu schreiwe. Un des Woch hawwich ee paar Emails vun eich grickt….un harriyesses, dihr hett gude Schticke gschriwwe. So, do iss die aerschde, en Schtick vun dem Jim Kramer aus Pittsbarrick, Pennsylvaania. Nau des Schtick iss net uff Deitsch gschriwwe, awwer es iss uff “Schwobdeitsch”. Der Jim iss en alde Freind vun mei Blog un oft schreibt er mir scheene Wadde zu mei Poschts. Ya, ‘sis net uff Deitsch, awwer ich glaab dihr kennt es verschteh. Gross Dank Jim fer dei Beischteier!

E wohre B’gebenheet

Vor jetztle scho dreissig Johr’ isch es mi g’lunge, daerich Gottes Gnad’ e Stipendium un annere Hilfe z’kriege, um an e neies Austauschprogramm vun d’r University of Pittsburgh mit d’r Universitaet Augsburg deelnehme zu koenne. Nu, Wenn’s eppes Gutes isch, muss ma mi net zweemol froge! Deitschland hot mei gaze Erwartunge weit uewertroffe! Neie B’kanntschafte haww i au schnell g’macht: Die Musikstudente senn  domols net so wie bei uns g’wae, driewwe senn se eher uffg’schlosse un zugaenglich g’wae. Mei neier Freind Thomas, e junger Organischt, hot eemol g’froogt, ob mer zum Pizza ins Arena gehe wolle. Nu haww i g’staunt un glei g’froogt, “gaht ma zum Pizza in e was?!” Er hot g’antwortet, sell isch d’r Name vum Reschdaurant! “Nu geh’mer!” haww i g’saat. Im Arena haen mer net lange warte muesse, die Fraa hot uns die Speisekaertle g’bracht. “Hmmm i weess net…”haww i g’saat, “i glaub, i nehm daes Pizza ‘Amerikana.'” Daes Pizza isch au schnell a’g’kumme, un…owe druff hot d’r Chefkoch e Spiegelei g’legt! “Nu,” haww i ganz leise g’flueschtert, “keen Amerikaner daeht jemols uff den Gedanke kumme, so eppes uffs Pizza z’lege!!”I  (Domols hot ma noh net a’gfange, selle komische Kombinatione zammez’setze, die ma heit so gerne hot, wie zum Beispiel Schinken mit Ananas und so weiter). ‘S Ei uffm Pizza hot awwer wunnerbar g’schmeckt! E paar Woche spaeter haen mer noh eenen Freind ei’g’lade, mit ins Arena zum Pizza z’gehe. Der Thomas hot seins b’stellt, dann hot der Andreas seins b’stellt. Scho bin i a’ der Reihe g’wae. “Pizza Amerikana, bitte!” Nu haww i mi jetztle uffs Pizza mit’m scheene Spiegelei druff so sehr g’freit! Awwer nee, die Waende haen scheinbar Ohre g’hot: mei Pizza isch diesmol OHNE Spiegelei g’kumme! Wenn seller Amerikaner aus Pittsburgh, der v’leicht ZU gut Schwobdeitsch schwaetzt, nur sei Mund net uffg’macht haett’–gell net?!!

Published in: on 24/03/2017 at 19:17  Leave a Comment  

Kannscht du schreiwe?

Guder Daag Blog Leser! Ich hab zwee Frooge: Kannscht du Pennsylvaanisch Deitsch schreiwe? Witt du eppes fer mei Blog schreiwe? Wann dei Antwatt YA iss, nau iss dei Gelegeheit. Ich will Gascht Poschts rausgewwe. Dei Schtick kann was du witt sei: en Gedicht, en Gschicht, eppes anneres. Die Himmel iss die Limit! Wann du denkscht, ‘Aye Doug, ya, ich will eppes fer dei Blog schreiwe, awwer mei Deitsch iss net so gut.’ – KEN BROBLEM! Ich kann dir helfe! Ee paar Yaahre zerick hawwich Deitsche Haikus gschriwwe un ee paar vun mei Leser hen ihre eegne Haikus gschriwwe un dann an mir gschickt. Nadierlich, hawwich sie gedrickt! Nau sei net so leitschei. Hock dich anne mit Babier un en Bleipensil odder an dei Waddefresser un schreib eppes! Un wann du faddich bischt, schick es zu mir an mei Email Address: busterpa@yahoo.com. Mach dei Subject Line: Eppes fer dei Blog. Ich kann net waarde dei Schticke zu lese. Nau schlag nei!

Published in: on 18/03/2017 at 05:19  Comments (2)  

Bin ich alt odder guck ich yuscht so?

Guder Daag Blog Leser! Neilich hawwich meh Zeit im Schpiggel rumgebrocht. Nee, nee, ich bin net eigenumme. Ich muss mich oftmols aagucke, weil ich eppes neies seh: grohe Haar. Nau ich weess, dihr denkt: “Aye yummer Doug, du bischt net alt! Du bischt yung un schtarrick un gutguckich.” Ich glaab so aa, awwer wann ich in dem Schpiggel guck, es Bild es ich seh, saagt eppes anneres.

Nau fer die Record, im Tschulei waerr ich 37 Yaahre alt sei. Awwer, mei Baart un Kopp saage ass ich elder bin. Un ich muss ehrlich saage ass des Broblem eigetlich nei iss. Ich hab uff alde Pickders geguckt, un yuscht zidder die letschde drei Yaahre odder so hawwich grohe Haar. So ferwas in yuscht die letschde drei Yaahre? Well was saagt die Science? Der Dr. Steven Dowshen saagt as grohe Haar kumme vun:

“As mir elder waerre, die Pigment Cells in unsere Haar Follicles schtarewe langsam aus. Wann es wennicher Pigment Cells in en Haar Follicle gebt, waerr es Haar net lenger so viel Melanin hawwe un waerr meh vun en Transparent Fareb hawwe – wie groh, silwer, odder weiss – ass es waxt.”

Ok, so nau weess ich ferwas mei Haar groh iss, awwer gebt es Dinge im Lewe die helfe mei Haar gschwinder groh zu geh? Die Science saagt, vielleicht. Viel Doktors saage ass es drei Dinge gewwe die helfe Haar groh zu geh:

1. Unsere Genes: Caucasians gehe groher gschwinder ass Asian un Afrikannische Leit. Well, ich bin en Caucasian, so…..

2. Schtress: Schtress un Grankheite kenne Haar groh zu geh helfe, vielleicht schneller ass es normally daete. Mei Tschopp hot Schtress, des iss fer schurr. Fimf Daage die Woch mit Teenagers schaffe, dei Haar daete aa groh geh!

3. Unser Leweschtil: Schmoke un zu wennich Vitamin B-12 helfe Haar groh zu geh. Ich schmok net (ab un zu gleich ich en Cigar im Sommer zu frehe). Vielleicht soll ich meh Esse mit B-12 esse wie Fisch, Soy, Fleesch, Kaess un Oier. Aye Yummer, ich ess viel Kaess un Oier schunn! Ya well, wann ich muss, dann muss ich!

So nau weess ich meh iwwer mei “Broblem”. Awwer iss es eigetlich en Broblem? Mei Fraa saagt as ich gut mit glee bissel grohe Haar guck. Annere Leit saage as ich “reif” odder “distinguished” guck. Awwer saage sie sell yuscht ass ich net zu alt fiehle? Sell weess ich net. Ich weess fer schurr as ich will mei Haar net farewe losse. Wann ich groh bin, glaab ich so iss was der Gott will. Un was kann ich dezu saage? Ich fiehl mich yung, sell iss fer schurr. Un net vergesse ass mer saagt: Wann es Schnee uff em Dach gebt, des mehnet net ass es ken Feier im Haus gebt…

Do iss en Audio Klip: 

 

 

 

 

Published in: on 10/03/2017 at 20:36  Comments (3)  

1939 – Hollywood’s beschdes Yaahr!

Guder Daag Blog Leser! Well, maryie iss en grosse Owed in Hollywood. Die Academy Awards waerre rausgewwe. Ich muss ehrlich saage ass ich ken vun de nominated Movies gsehne hab! Aye aye aye. Nau, ich bin en grosse Movie Fan, awwer meh en Fan fer die alde “classic” Movies. Zidder ich en gleene Bu waar, hawwich allsfatt die schwatz un weisse Movies gegliche. Ich weess net ferwas, vielleicht weil die Gschichte besser waare? Odder vielleicht weil ich aa en grosse Fan vun Slapstick bin. Ich bin so froh as mei Cable Kumpani Turner Classic Movies ass en Channel in mei Haus hot. Mir schwezte oft iwwer Blockbusters, awwer ich denk as es Yaahr 1939 en Blockbuster Yaahr fer Hollywood un fer uns waar. Des Woch will ich glee bissel iwwer die gut bekannte Movies vun em Yaahr 1939 schreiwe. Sie sin in “no particular oder”.

stagecoach_movieposter

Stagecoach: von dem John Ford mit en All-Star Cast: John Wayne, Claire Trevor, Thomas Mitchell (Oscar Gewinner fer Best Supporting Actor), und John Carradine. Ich denk as Stagecoach die perfekte Western iss. 9 Paersons faahre vun Arizona nooch Nei Mexiko in en Stagecoach. Es gebt Inschinge Fechte, Outlaws un Marshalls, viel Schiesserei, un Liewe. Un alles waar in em scheene Monument Valley gefilmt.

800px-poster_-_gone_with_the_wind_01

Gone with the Wind – Oscar: Beschde Film: vun dem Victor Flemming (Oscar Gewinner fer Best Director) mit Vivien Leigh (Oscar Gewinner fer Best Actress), Clark Gabel, Olivia de Haviland und Hattie McDowell (Oscar Gewinner fer Best Supporting Actress). En Gschicht aus de diefe Sudde in der Zeit vun der Burgergrieg in Amerika. Es gebt Liewe, Drama, un Gschichte. Scarlett O’Hara muss duhne was sie kann fer ihre Familye un ihre Plantation: Tara. Awwer wu liegt ihr Hatz? Mit Rhett Butler odder mit Ashley Wilkes?

smith_goes

Mr. Smith goes to Washington: vun dem Frank Capra mit James Stewart, Jean Arthur and Claude Rains. Iss Waschington DC verhaust? Der Jimmy Stewart schpielt Senator Jefferson Smith, en Draamer un en Senator der macht was er denkt recht iss, geht nooch Waschington um en Unnerschitt zu mache. Ich denk as yede Amerikaaner soll des Movie sehne. Un die Corruption die im 1939 Waschington waar, iss allsfatt nooch datt.

wizard_of_oz_original_poster_1939

The Wizard of Oz: vun dem Victor Flemming mit Judy Garland, Ray Bolger, Bert Lahr, Frank Morgan un Jack Haley. The Wizard of Oz waar der aerschde Movie in Schwatz un Weiss un aa Farewe gefilmt. Wer kennt des Movie net? Mir reise mit der Dorothy nooch Oz, en abbadiche Welt. Sie macht neie Freinde mit en Butzemann, en Blechmann, un en Leeb. Sie drefft aa en iewele Hex. Die Dorothy un ihr Hund, der Toto, versucht zerick nooch Kansas zu faahre. Un mir kenne net vergesse ass des Film uns “Somewhere Over the Rainbow” gewwe hot.

of_mice_and_men_xlg

Of Mice and Men: vun dem Lewis Milestone mit Burgess Meredith, Betty Field, un Lon Chaney Jr. Des iss en Film vun dem gut bekannte Buch vun dem John Steinbeck. Der George un Lenny versuche zu iwwerlewe in Dustbowl Era Amerikaa. Es iss ein Gschicht iwwer Freindschaft un der Fecht um en eegenes Schtick vun re Welt zu finne.

youngmrlincoln

Young Mr. Lincoln: aa vun dem John Ford mit Henry Fonda, Alice Brady, un Marjorie Weaver. Der Movie folgt der Abraham Lincoln eb er nooch Waschington as Bresident gange iss. Es zeigt uns wie der yunge Lincoln waar un wie sei Erfaahringe hot sei Lewe beeiflusst.

So wann du glee bissel Zeit hoscht, guck mol en Movie aus 1939 aa. Ich glaab du waerrscht es gleiche! Awwer die Froog liegt noch: wann kummt en guder Film iwwer uns Deitsche raus? Hoffetlich net zu weit in der Zukunft!

Do iss en Audio Klip: 

 

Published in: on 25/02/2017 at 06:48  Comments (1)  

Bresidents Daag!

Maryie iss Bresidents Daag do in Amerikaa. Im Ehr vun sell, geb ich en Link zu en Poscht ass ich sex Yaahre zerick gschriwwe. Weescht du as es en Deitsche Bresident gewwe hot? Ya fer schurr: der Dwight D. Eisenhower! Viel Gschpass bei Lese!

En Deitsche Bresident!

Published in: on 19/02/2017 at 15:43  Comments (1)  

2017 un sei Yaehrlichfeschte!

Guder Daag Blog Leser! Well nau iss es 2017, ya en anneres Yaahr iss vorbeigeflogge. Ich hab gewollt des Blog Poscht im Yenner zu schreiwe, awwer Yenner iss aa zu schtarrick vorbeigeflogge un nau iss es schunn Hanning! Awwer besser schpot as nie, gell?

So es Yaahr 2017 iss was mer do in Amerikaa saagt, awwer in annere Deele vun re Welt iss es eppes anneres. In China sin mir nau in em Yaahr 4714 un es iss es Yaahr vun em Haahne. Fer alde Yudde iss es 5777. Ich will glee bissel schreiwe iwwer ee paar Yaehrlichfeschte fer es Yaahr 2017:

50 Yaahre – 1967

Mir warre graad in de Mitt in unser Grieg in Vietnam. Der Lyndon Johnson waar der Bresident. Die Green Bay Packers hen die Super Bowl gewunne. En Burgergrieg in Cambodia iss ausgebroche. Die aerschde Boeing 737 hot sei aerschde Flug geflogge. Es World’s Fair (Expo 67) iss in Montreal, Kanada gschehe. expo67_14 Der Elvis Presley hot die Priscilla Beaulieu gheiert. Die Toronto Maple Leafs hen die Stanley Cup gewunne. Der Jimmi Hendrix hot sei aerschde Album gemacht un die Beatles hen ihre gut bekannte Album Sgt. Pepper’s Lonely Hearts Club Band gemacht. Der Sex-Daage Grieg in Isreal iss aagfange. Der Thurgood Marshall iss genaamt as der aerschde Afrikan-Amerikaanische Supreme Court Justice. Die aerschde ATM iss in Enfield, England installed. Es hot viele Race Riots darrich Amerikaa gewwe. Die St. Louis Cardinals hen die World Series gewunne. Der Dr. Christiaan Barnard hot die aerschde Hatz Transplant geduh.

100 Yaahre – 1917

nicholas-ii_2-t

Czar Nicolas II. vun Russland

Die Welt waar graad in de Mitt vun dem Aerschde Welt Grieg. Der Woodrow Wilson waar der Bresident. Die Jeannette Rankin vun Montana waar die aerschde Fraa in Congress neigschtimmt. Der Czar Nicholas II vun Russland hot die Throne abgewwe un der Vladimir Lenin un sei Bolscheviks hen die Graft in Russland genumme. Die aerschde Pulitzer Prizes sin rausgewwe. Die Lions Club International iss in Amerikaa gefunne. Finland hot sei Freiheit vun Russland gschtimmt. Die Chicago White Sox hen die World Series gewunne. Die National Hockey League mit sex Teams iss erschafft. Die Halifax Explosion iss gschehe mit meh as 1,963 Leit gschtarewe un 9,000 Leit sin wehgeduh.

 

150 Yaahre – 1867

zentralbibliothek_zu%cc%88rich_das_kapital_marx_1867Es waar schunn zwei Yaahre nooch der Burgergrieg do in Amerikaa un der Andrew Johnson waar der Bresident. Dem Johann Strauss sei gut bekannte Waltz “der blohe Danube” waar zum aerschdes Mol gschpielt. Die aerschde Schiff iss darrich die Suez Canal gfaahre. Nebraska iss der 37. Schtaat vun Amerikaa erschafft. Kanada iss en freies Land genaamt. Mir hen Alaska vun de Russe fer $7.2 Millyonen gekaaft. Der Alfred Nobel hot Dynamite erfunne. Der Karl Marx hot sei “Das Kapital” zum aerschde Mol gedruckt.

200 Yaahre – 1817

Es gebt ken Grieg in Amerikaa un der James Monroe iss der Bresident. Der Karl Drais hot die aerschde Bicycle in Mannheim, Deitschland gemacht. Baue vun der Erie Canal iss aagfange. Mississippi iss die 20. Schtaat genaamt. Es hot grosse Aerdbeewinge in Sicily un in Greece gewwe.

karlvondrais

Die aerschde Bicycle vun dem Karl Drais

300 Yaahre – 1717

Der James Stuart hot versucht die Gron in England zu nemme awwer sei Plot iss zu nix kumme un George I iss as Keenich gebliwwe. Der Blackbeard un sei Schiff: Queen Anne’s Revenge hen viele Schiffe in die Caribbean beraabt. Es hot en grosse Flut uff Grischtdaag in die Netherlands un in Denmark gewwe, viel Leit sin gschtarewe.

blackbeard-the-pirate-1724-ecu-cropped

Der Blackbeard

500 Yaahre – 1517

En grosse Yaehrlichfescht feiert sei 500. Yaahre Gebottsdaag des Yaahr: die Aafang vun der Brotestantische Reformation. Es waar in Oktower vun 1517 ass der Martin Luther sei 95. Theses uff die Dier vun der Schlosskarrich in Wittenberg, Deitschland genaggelt.

Öèôðîâàÿ ðåïðîäóêöèÿ íàõîäèòñÿ â èíòåðíåò-ìóçåå gallerix.ru

Der Martin Luther

600 Yaahre – 1417

Mit de Schreiwe vun Keenich Henry V vun England, Englisch iss zum “official” Schprooch genaamt.

king_henry_v_from_npg

Der Keenich Henry V vun England

So mir kenne sehne as es viel im Yaahre mit en 17 drin gschehe iss. Mir wisse nooch net was alles im 2017 gschehe waerre. Mir hoffe ass es Fried un Gedeihigkeit darrich die Welt gewwe.

Do iss en Audio Klip: 

 

Published in: on 11/02/2017 at 09:00  Comments (2)