Schmierkaes Boi!

Guder Daag Blog Leser! Des Woch bring ich eich en alde Familye Reseet: Schmierkaes Boi. Ich weess net wie alt des Reseet iss, awwer ich weess schunn as mei Gross-grossmudder hot es aa gebackt. Nau mei Gross-grossmudder waar 100% Deitsch, so ich denk as des Reseet aa en alde deitsche Reseet sei kennt. Wann ich des Boi backe, iss es allsfatt gegliche. So browier es mol! Ich denk dihr waerrt es aa gleiche.

2 Koppche Schmierkaes

46796_568784839816113_827148256_n

Sell iss wie es guckt wann es faddich iss. 

2 Oier

1 Koppche Zucker

Budder, so gross wie en Walnuss

1 Petz Sals

1/2 Koppche Millch (duh des am End rei)

4 Suppeleffel Mehl

Riehr alles in en Schissel zamme. Back in en 9 Zoll Boideller in en ungebackne Boideeg bei 375 Graad fer 20 Minudde, dann bei 350 Graad fer baut 35 Minudde. Mer kann es waarem esse, awwer es iss aa arrig gut kalt.

So leicht iss es un ‘sis so appeditlich! Gut Glick bei Backe! Loss mich mol wisse wann dihr es browiert!

Published in: on 07/08/2016 at 07:34  Comments (4)  

The URI to TrackBack this entry is: https://deitscheblog.wordpress.com/2016/08/07/schmierkaes-boi/trackback/

RSS feed for comments on this post.

4 CommentsLeave a comment

  1. Hallo Liewwer Doug!

    Nomols beschde Dank für Dei Blog! Vom Käsekuche isch immer die Red‘—i hab‘ no mei Mudder ihr Rezept, awwer DEI Rezept isch viel besser, glauww i ja. Du hosch mehr Zutate un alles so schö nodiert, d.h. wie ma vorgehe soll.

    Nu, Du bischt halt b’gabt, sell muss i saage: mit Sprooche, mit Musik, mit „Binsenweisheiten“ aus d’r gute alde Zeet, un dezu Dei viele Tips un jetztle au no däs Backe!!

    E Froog‘ wär wohl hier net unpassend: in eenige Rezepte für’n Käsekuche heesst’s, dass ma 10 Min. Bei 400 Graad Fahrenheet, dann bei 350 Grad F. Dei Rezept awwer isch e bissele annerscht: do steht 375 Grad un dann 350 Grad. Nu, i nehm a‘, dass sell wohl mit d’r Millich z’ammehänge duht, gell net? We’ma mit frischer Millich bäckt, muss ma immer uffpasse, dass sell net a’brennt, gell?!

    Leid’r isch’s momentan in Pittsburgh viel zu heess zum Backe, awwer so bald die Temperatur e bissele sinkt (noochgaht), beabsichtige i, Dei schö’s Rezeptle zu prowwiere!

    Inzwische awwer wünsch‘ i Eich do im Oschde vun PA
    Weiterhin viel Sommerfreud‘ un – wie ma’s uff Hochdeitsch saagt: von allen guten Dingen nur die allerbesten!

    Mit schönschde Grüsse aus’m Grossstädtle zum Weschde

    Dei

    Jim (Jakob) Kramer
    (Seller Pittsburgher Kerl)

  2. Es guckt arrig gut. Is der Schmierkaes heem gemacht?

  3. Gross Dank Chris. Nee, ich hab die Schmierkaes in der Schtor kaaft.

  4. Doug, mi isch graad ei’g’falle: wenn ma’ will, ka ma au online schöne Rezepte unner “Topfen” finde–e gleener Hinweis 🙂 Sell isch d’r Österreicher Frischkäs‘, un i ka‘ mi denke, sell dät au gut funktioniere, gell?
    ___Jim (Jakob) Kramer


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: