Liewer Belsnickel!

12. Diesember 2015

Liewer Belsnickel,

Wie bischt? Ich hoff as alles gut mit dir iss. Do iss mei Brief an dir fer seller Grischtdaag. Des Yaahr waar ich en arrig guder Bu. Ich hab all mei Rechninge zu rechte Zeit bezaahlt. Ich hab mei Taxes an die IRS  bevor Abrill 15 gschickt. Ich hab im Friehyaahr un in Schpotyaahr abgschtimmt. Ich hab viel Zeit mit meinre Familye gebrocht. Ich waar en guder Mann zu meinre Fraa un en guder Daadi zu mei Kinner gewest. Was meh muss ich duh? Ich weess as normally schreibt yuscht Kinner Briefe an dich awwer ich hab gedenkt as des Yaahr waerr ich es aa duh.

So nau do iss mei Winschlischt:

1 – En neie Motorcycle. Ya, ya, ich weess as ich schunn een hab, awwer zwee in die Gratsch waerre besser. Oh, un nadierlich meech ich en annere BMW hawwe, sei so gut, ken Harley!

2 – En neie Mandolin. Ich kennt arrig scheene Myusick schpiele wann ich en Gibson F Mandolin hett.

Ok. Ich weess es waerr vielleicht hatt die zwee Dinge zu bringe, so vielleicht soll ich en neie Lischt schreiwe. Do iss en Winschlischt fer unsere Welt un unseres Land in Blatz vun yuscht was ich paersehnlich will:

1 – An End zu ISIS un Terrorism. Die Welt braucht Fried. So lang as ISIS am laafe sin, waere es ken Fried gewwe.

2 – An End zu Aarmut. Zu viele Familye lewwe un wuhne mit nix. Viele Kinner griege net genunk Esse un misse in en kaltes Haus schloofe. Bring Tschops un Geld zu de Leit die sie brauche.

3 – En Gfiehl vun Zammeheit in unseres Land. Amerikaa iss gschplitt. Mer iss entwedder Rot odder Bloh. Un mer darf net in de Mitt sei. Ich will en Land hawwe wu Leit mitenanner schwetze kenne. Zamme sin mir greftiger as vunenanner.

Nau datt iss aa en Lischt. Liewer Belsnickel, mach was du kannscht. Un wann mei Lischt zu viel iss, dann bring ich yuscht en Aarensch un ee paar Walniss.

Hallicher Grischtdaag,

Der Doug

Do iss en Audio Klip: 

Published in: on 12/12/2015 at 06:46  Comments (2)  

The URI to TrackBack this entry is: https://deitscheblog.wordpress.com/2015/12/12/liewer-belsnickel/trackback/

RSS feed for comments on this post.

2 CommentsLeave a comment

  1. Hi Doug, You wrote “dann bring ich yuscht en Aarensch un ee paar Walniss.” I’d have expected “dann bringsht mir yuscht…” I guess I don’t understand the grammar or the context. Can you please clarify? Thanks –Nicholas

  2. Nicholas, great question. The reason it is BRING is because grammatically, it is a single command. The rule for single person commands is the VERB without an ending. If the Belsnickel was the subject in the DU form, then it would be SCHT ending. But since I am telling him to bring me something, it takes the command form.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: