Ich un Du!

Guder Daag Blog Leser! Selle Woch bring ich eich en Myusick Video vun meinre Baend: The Broken Spokes. Well, eb ee paar Daage hemmer en Video Myusick Video gemacht vun em alten deitschen Volkslied: Ich un Du. Ich lieb selles Lied. Die Melodie iss schee un die Wadde sin luschdig un gut. So, do sin die Wadde un unnich iss en Link zu re Video. Viel Gschpass bei lese un aagucke!

– Ich un Du –

Ich kann Deitsche Wadde singe, hoff so kannscht du;

Welle dann mitnanner singe, sing ich un du.

Ich bin froh un ich bin hallich, wie bischt dann du?

Ich geh regler nooch die Kaerrich, hoff so duhscht du.

CHORUS:

O, mir singe, sing ich un du;

O, mir blatsche, blatsche dezu.

Vers 2

Fiehl wie en Hutschli in em Feld, wie fiehlscht dann du?

Geb dem Doktor gaar ken Geld, was gebscht dann du?

Rum flungiere duh ich net, hoff net duhscht du;

Ich geh zeitlich nooch im Bett, hoff so duhscht du. – CHORUS

Vers 3

Ich du allsfatt was ich sett, hoff so duhscht du.

Wann ich bees bin, fluch ich net, hoff net duhscht du.

Ich hab so gut gesse heit, hoff so hoscht du,

Blendi Gschpass un Hallichkeit, hoff so hoscht du! – CHORUS (zwee Mol)

 

Link zu re Video: Ich un Du

Published in: on 24/08/2014 at 06:52  Comments (1)  

The URI to TrackBack this entry is: https://deitscheblog.wordpress.com/2014/08/24/ich-un-du/trackback/

RSS feed for comments on this post.

One CommentLeave a comment

  1. Hallo Doug!

    Du bischt awwer g’scheit—un wie!!! So tolle Musik, un no dezu Dei Sinn für Humor—nu, däs isch awwer echt super!!

    Kee Wunner isch’s ja, dass Du mit Sprooche so b’gabt bischt: e musikalisches Ohr un die wohre Empfindung hoscht Du ja!

    Neilich haww i nooch mehrere Johre die G’lege’heet g’hot, wieder als Organischd uffzutrete: vor e poor Woche isch d’r Organischd vun unsrer Kirch‘ in letzchd’r Minute net kumme, un d’r Prediger isch uff mi zug’kumme un ho g’froogt, ep i diene könnt‘. Nadürli haww i ja g’saagt, weil ma für den Herrn doch immer ger‘ schaffe soll—so lebt ma als Chrischd, gell net?!! Un nooch mehrere Johr isch es—durch Gottes Gnade un Hilf‘—so g’gange, als eb i net devo‘ weg g’wä wär!!
    E Welt ohne Musik isch mi undenkbar, un hiermit e bissele eppes aus `m alde Versle (däs steht a‘ d’r Wand im Teutonia Männerchor Vereinsgebäude in Pittsburgh g’schriewwe):

    „Wo man singt, da lass dich ruhig nieder:
    Böse Menschen haben keine Lieder.”

    Nomols bin i mit viele herzliche Grüsse aus Pittsburgh

    Jim Kramer
    [Seller Pittsburgher Kerl]


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: