Net wie ausgemacht!

Guder Daag Blog Leser! Es gebt en Schpruch der saagt: “Die beschde gemachte Blaane vun Meis un Mannsleit gehne oft schepp.” Selle Wochend hawwich sell erlebt. Mei Bruder un sei Fraa sin zu uns kumme um en Wochend Bsuch zu mache. Die ganze Woch bevor hawwich viel fer sie ausgemacht. Meim Bruder sei Fraa waar nimmi bei Penns Cave gewest. So ich hab gedenkt as mir datthie gehne kennte. Dann hawwich ausgemacht as mir en Picknick bei R.B. Winter Schtaat Park mache kennte un dann zu en scheene Barrick Ausblick gehne. Ich hab aa gedenkt, as wann es Zeit gewwe daet, vielleicht kennte mir en gudes Bier bei Elk Creek Aleworks in Millheim griege kennte. So die ganze Woch hawwich uff mei Blaane gedenkt un gedraamt.

Uff em Freidaagowed sin mei Bruder un sei Fraa vun Barricks Kaunty fattgefaahre. Allebeed hen gemisst uff em Freidaag zu schaffe, so es waar gschwischich sex un siwwe Uhr bis sie fattgange sin. Die Rees vun Heem nooch wu ich wuhn dauert baut zwee un en halwer Schtunn aus. Baut nein Uhr iss mei Cell Phone geklangt. Mei Schwei hot mir en Text Message gschickt. Es saagt: “Mir sin uff Interstate 80 mit en flachen Raad.” O nee, hawwich gedenkt! Es waar dunkel un sie waare im midde der Busch vun Pennsylvaania! Viele Meilen vun I-80 laafe darrich der Busch un die Bariye. Zum Glick hen sie Cell Service! “Ok, mir sin do. Wann dihr eppes braucht, saagt mol.” hawwich gschickt. Sie hot widder gschickt, “Es geht. Mir schtelle die Spare Raad druff un dann kumme mir nooch eich.” Well es Spare Raad waar so en gleenere Raad as der rechte, so sie kennte yuscht 45 MPH faahre! Sie sin endlich um 11 Uhr in die Dier kumme. Besser schpot as nie, gell?

Well, nau unser Samschdaag Blaane misse geennert sei. Mir hen die ganze Mariye versucht ihre Raad zu fixe. Mir sin nooch Bellefonte gfaahre nooch en Gratsch. Dann hemmer gemisst zu waarde. Uff em Middaag waar es endlich faddich un mir waare ready zu geh. Nau hemmer gemisst widder uff die Blaane zu denke. Mir hen gewaehlt nicht nooch Penn’s Cave zu faahre, es gebt nicht genug Zeit. In Blatz vun sell sin mir nooch der Barriye Ausblick gange un dann hemmer ee paar gude Freinde vun mir die in Zucker Daal wuhne bsucht. Sie hen uns eigelaade fer Owedesse zu bleiwe. So hemmer. Es Esse waare arrig gut un es Bier waar frisch un kalt. Uff em Daag sei End waar es en arrig guder Samschdaag. Net was ich ausgemacht hab, awwer nooch gut. Was allsfatt am wichdichgschde iss, as ich Zeit mit meim Bruder un meinre Familye gebracht hab.

So was kenne mir vun sellre Gschicht lanne? Es ist gut Blaane zu mache, awwer vielleicht solle mir aa en Blaan B hawwe!

Do iss en Audio Klip: 

Published in: on 03/08/2014 at 12:37  Comments (1)  

The URI to TrackBack this entry is: https://deitscheblog.wordpress.com/2014/08/03/net-wie-ausgemacht/trackback/

RSS feed for comments on this post.

One CommentLeave a comment

  1. Liewer Doug,

    Dei B’schreibung isch wirkli ee’malig! I sag ja immer, wenn mol bei mi un mei Liewe so eppes vorkommt: wenn eppes hätt dobei schiefgehe könne, isch’s ja schiefgange! Pläne scheitere manchmol, gell? Awwer Dei Ei’fälle kannsch ja au beib’halte un v’leicht en andermol mitmache, gell? Od’r wie’s uff Hochdeutsch so schö heesst: „Verschoben ist nicht aufgehoben!“

    Ich hoff‘ ja, bei Di un Dei liewe Familie hot d’r Auguscht gut a’g’fange un dass die Sommerfreid‘ au no schö isch! Wie schnell die Zeet v’rfliege duht, na, dra‘ will i awwer net denke! Liewer die Zeet no g’niesse un die Auguschtdaage schätze.

    Nomols b’dank‘ i mi bei Di für Dei wunnerbares Büchle. E wohrer Lehrer bisch Du, däs muss i sage! Es Lewe die Mundart, un i hoff‘ ja, Du wirsch doch immer viel Freid dra‘ hawwe, Deitsch un au Hochdeutsch zu lehre un zu pflege. Für mi wär e Lewe ohne die Sprooch undenkbar, un i glaub, bei Di gilt’s au so!

    Bis bald v’rbleiwwe i mit schönschde „Pittsburgher Grüsse“

    Dei

    Jim Kramer
    (Seller Pittsburgher Kerl)


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: