Die Beschde vun Summer!

Guder Daag Blog Leser! Well, nau iss es Summer do in Pennsylvaania. Fer viel Leit iss der Summer die Beschde Yaahreszeit im Yaahr. Ya, ich gleich aa der Summer awwer ich kann ehrlich saage as ich die annere drei Yaahreszeite aa gleich. Weil es Summer iss, hawwich gedenkt as ich en Lischt vun was ich am beschde vun dem Summer finn.

1. Die Fenschdere uff zu hawwe – Im Summer kann ich all mei Fenschdere in em Haus uff hawwe. Frische Luft kann darrich es Haus blose. Mer kann all die Geruche vun drause rieche: frisch gemaehte Graas, Blumme, die Beem un annere.

2. Draus uff em Bortsch zu hocke – Zidder ich en gleene Bu waar, hawwich arrig gaarn gegliche uff em Bortsch zu hocke. Nau as ich elder bin, hawwich es allsfatt nooch gaarn. Mir hen ee paar Schtiel un en Gaunsche uff meim Bortsch. Am Owed mit mei Fraa un en kaldes Bier uff em Bortsch zu hocke, sell iss hatt zu schlagge!

3. Picknicks un drause esse – Viel Leit hen Picknicks darrich der Summer. Mir aa. Drause zu esse iss eppes anneres. Mer kann warricklich eens mit der Nadur sei.

4. Frische Gaardesache – Was iss Summer mitaus frische Gaardesache? Tomaets un Welschkann frisch aus em Gaarde = nix besser. Wann ich mei letschde Iems auswaehle kennt, daete fer schurr frische Tomaets un Welschkann uff em Disch sei. Mer fiehlt sich arrig gut wann mer in em Gaarde gehe kennt, eppes roppe, es in re Kich bringe un butze un dann es esse.

Do sin yuscht vier Dinge die ich gut am Summer finn. Fer mich persaehnlich, gebt es viel meh. Was iss der Summer fer eich? Schreibt mich mol en Poscht un saagt mir! Schpeeder waerr ich sie in en Blog Poscht schreiwe! Bis es naegschde Poscht, macht’s gut un freht der Summer!

Do iss en Audio Klip: 

Published in: on 11/07/2014 at 09:40  Comments (3)  

The URI to TrackBack this entry is: https://deitscheblog.wordpress.com/2014/07/11/die-beschde-vun-summer/trackback/

RSS feed for comments on this post.

3 CommentsLeave a comment

  1. Hi Doug,
    Ich gleich alle selle Dinger aa! Un schwimmegehne zu kenne aa no dazue. Ich bin zwar in PA g’born un aafg’waachse un sell Staat is mir immer lieb un zell mir immer lieb bleiwwe, awwer die arrig harte Winders mit Schnee un Eis vermiss ich nit!

  2. Jack,

    Ich bin ken Wasserman! Schwimme gleich ich net, awwer mei Fraa un mei Dochder…..sie liewe es Wasser. Eis un Schnee sin ok bei mir.

  3. Hi Doug,
    Ich gleich music draus schpiele. Ich hocke uff mei bortsch un schpiele un aw an die bluegrass festivals.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: