Der Pingschde ihr Gschicht!

Guder Daag Blog Leser! Heit iss Pingschde in em Grischtliche Kalenner. As en Grischt iss heit en abbadicher Daag, as en Schulmeeschder vun Schprooche iss es aa en abbadicher Daag. Heit feiere mir re Karrich ihr Gebott. Der Heilige Geischt iss zu re Aerd kumme un hot die Yinger vun Yesus die Gaab gewwe Fremdschprooche zu kenne un zu schwetze. Der Gott kennt alle Schprooche vun Englisch zu Franzeesisch zu Yapanisch un nadierlich Deitsch! Schprooche verdeele Leit net, in viele Schtelle bringe Schprooche Leit zamme. Wie der Nelson Mandela gsaat hot: “Wenn du schwetzscht zu en Mann in en Schprooch die er verschteht, geht sell zu sei Kopp. Wenn du schwetzscht zu ihm in seinre Schprooch, geht sell zu sei Hatz.”

Pentecost

Heit will ich der Pingschde ihr Gschicht uff Deitsch gewwe. Es kummt aus em zwette Kabbidel es Buch vun Acts. Viel Gschpass bei lese!

Wann der Daag vun Pingschde kumme iss, waare sie alle in ee Blatz zamme. Bletzlich, en Klang wie en greftiger Wind iss vun der Himmel kumme un hot es ganze Haus, wu sie waare, aagfillt. Sie hen gsehne, was gscheint hen, as Zunge vun Feier die abgedeelt hen un hen uff die Leit gschtoppt. Alle vun ihne waare mit dem Heilige Geischt aagfillt un sie hen aagfange in annere Schprooche zu schwetze, as der Geischt sie geholfe hot.

Zu re Zeit waare in Yeruslaem Gott-farriche Yudde vun alle Land unnich Himmel. Wann sie sell gheert hen, en Drupp vun Leit sin verschtaunt zammekumme, weil alli-epper ihr eegne Schprooch gheert hen. Vollig verschtaunt, hen sie gfroogt: “Sin sie, die am schwetze, Galileans? Wie iss es as yede vun uns sie in unsere Schprooch heere un verschtehe kennte? Parthians, Medes un Elamites; Leit aus Mesopotamia, Yudea un Cappadocia, Pontus un Asia, Phrygia un Pamphylia, Egypt un Aadeele vun Lybia net weit weg vun Cyrene; Bsucher aus Rome; Cretans un Arabs – mir heere sie die Wunner vun Gott in unsere eegne Schprooche saage! Verschtaunt un verwart, hen sie enanner gfroogt, “Was mehnt sell?” Manniche, awwer, hen Gschpass iwwer sie gemacht un hen gsaat, “Sie hen zu viel Wei gedrunke!”

Dann der Peter iss mit de Elfe uffgschtanne, er hot sei Schtimm nuffgemacht un hen zu re Leit gsaat: “Mityudde un all vun eich die in Yersualem wuhne, loss mich sell zu eich auslege; harrich mol achtsam uff was ich saag. Selle Leit sin net gsoffe, wie dihr denkt. ‘Siss yuscht nein Uhr am Mariye!

Nee, sell iss was der Brofeet Yoel gsaat hot: “In die letschde Daage, der Gott saagt, Ich waerr mei Geischt uff all die Leit ausschenke. Eier Seh un Dechder waerre weissaage, eier yunge Menner waerre Visions sehne, eier eldere Menner waerre Draame draame. Aa mei Abwaarde, Menner un Weibsleit, waerr ich mei Geischt in selle Daage ausschenke, un sie waerre weissage. Ich waerr Wunner in Himmel un uff re Aerd, Blut un Feier un Rauch zeige. Die Sunn waerr dunkel sei un der Muun waerr Blut sei eb die Aakumme vun dem gross un herrliche Daag vun dem Herr. Un alle, wer ruft uff dem Herr sei Naame, waerr gerett sei.”

Do iss en Audio Klip:

Published in: on 08/06/2014 at 12:30  Comments (2)  

The URI to TrackBack this entry is: https://deitscheblog.wordpress.com/2014/06/08/der-pingschde-ihr-gschicht/trackback/

RSS feed for comments on this post.

2 CommentsLeave a comment

  1. Hi Doug,
    Nadierlich hemmer heit selle Passage in insre Karrich g’lese, un zwar aaf mehrere Sprooch z’samm! Unser Pfarrer hot’s aaf Englisch g’lese, annere hen’s aaf annere Sprooche wie zum Beischpeel Franzoesisch, Spanisch, un nadierlch aa aaf Deitsch g’lese. Weil unser Assistentpfarrer es aaf Deitsch hot g’lese, hab ich’s aaf Kreyolisch (Haitianisch) g’lese! Es war echt luschdig un hot viel Gschpass g’macht!

  2. Liewwer Doug,

    Pfingschde gilt au als „Geburtstag vun d’r Kirche”, so hot ma ons däs g’saat. Mer hän’s au hier in d’r Kirche, wu i zuletscht als Organischt g’dient hab‘ au uff ähnliche Weis‘ g’feiert, mit Lesunge in mehre Sprooche (i haww immer Deutsch g’lese, eene hot Französisch, e annere Fraa hot Spanisch g’lese, un d’r Herr Dr. Schenz aus Köln hot uff Lateinisch g’lese statt Deutsch!!).
    I ka‘ mi awwer au no erinnere, wie’s vor viele Johre in Augschburg d’r Brauch g’wä isch: vor viele Häusele un Läde hot ma silbergraue Birkestämme uffg’stellt zum Schmuck, un däs hot so wunnerschö ausg’sehne! In der „Barfüsserkirch‘“ hot die Frau Organischt e Werk vom dänisch-deitsche Komponischt‘ Dietrich Buxtehude vorg’spielt, e richtigs grosses Eppes, i glaub‘ sell isch e Präludium-Fantasia un Fuge un noochher isch koiner lang do g’bliewwe: zum Pfingschde duht ma gär‘ wandere! Däs isch im Gegesatz zum 1. Mai: domols hot d’r Pfarrer Schwimmbeck in d’r Barfüsserkirche Augschburg beim Singe vum erschde Liedle die Äugele ganz schee g’rollt, weil drausse grosse Schneeflöckle g’falle senn. Däs erschde Lied zum Maigottesdienscht isch allerdings „Wie Lieblich ist der Maien“ g’wä!! Nu, in dene Vereinigte Staate isch es oft Sitte, am Pfingschtfescht die Farbe rot zu trage, sei’s e Hemdle, e Röckele (bei dene Fraue nadürlich) od’r bloss e Krawattele. In Deitschland hot ma’s net so g’macht, mer hän „normale“ Sächele g’trage! I hoff‘ ja, Du hosch mit Deine Liewwe e schö’s Feschd g’feiert, un dass Dir d’r Sommer no viel Freid un Ruh‘ mit sich bringe wird.
    Nomols mit schönschde Grüsse aus’m weschdliche Deel von Pennsylvania
    Bin i
    Jim Kramer
    Seller Pittsburgher Kerl


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: