Der Schtruwwelpitter!

Guder Daag Blog Leser! Selles Woch hab ich eppes gudes mit eich abzudeele! En neies Buch in Pennsylvaanisch Deitsch is rauskumme. Der Alt Brofessor, der Earl C. Haag, hot neilich die bekannde Gschicht: Der Struwwelpitter ins Deitch iwwersetzt.

Do is es neie Buch!

Fer die Leit, die Schtruwwelpitter net kenne, waerr ich glee bissel iwwer es Buch saage. Der Schtruwwelpitter: Gschpassiche Gschichde un lecherliche Pickders is en aldes Buch, es arrig bekannt in Hochdeitsch is. Schtruwwelpitter (Struwwelpeter uff Hochdeitsch) waar im Yaahr 1845 vun dem Heinrich Hoffmann gschriwwe un gedruckt. Es waar en Kinnerbuch mit lecherliche Pickders.

Selles Yaahr hot der Earl Haag es ganze Schtruwwelpitter ins Deitsch iwwersetzt…un ich muss ehrlich saage, er hot en wunnerbaar Job geduh! Es Buch is en Sammling vun 10 Gschichde. Die Gschichde sin luschdig awwer, mer kann eppes vun alle laerne. Die alle hen en Moral fer die Kinner. Eene, die ich arrig gaarn hawwe is “Die Gschicht vum Daumesuckler.” Selle Gschicht is vun en Bu, der sei Daume allsfatt am suckle is. Sei Mudder saagt as es nett gut is wann er sei Daume suckelt. Sie saagt as wann er net schtoppt, kummt der Schneider verbei un waerr sei Daume abschneide! Es Kind suckelt sei Daume, un dann uff em naegschde Page is der Schneider datt un schneidet sei Daume ab mit grosse Schere! Die Pickders sin so lecherlich!

So wann dihr en neies Buch uff Deitsch hawwe wollt, bsucht mol Edition Tintenfass un kaaft mol selles Buch! Es koschdet yuscht €13.90!

Do is en Audio Klip: Schtruwwelpitter

Published in: on 08/11/2010 at 19:03  Comments (3)  

The URI to TrackBack this entry is: https://deitscheblog.wordpress.com/2010/11/08/der-schtruwwelpitter/trackback/

RSS feed for comments on this post.

3 CommentsLeave a comment

  1. Sell Buch willich kaafe. ‘S Innanetz iss gans guud fer Bicher kaafe hawwich gfunne. Fer Eksempel hawwich ‘s Buch vun W. Busch iwwegesetzt vun Birmelin 1schte Ausgawwe, gfunne un gekaaft. Die Pickders sinn vun Busch geduh. ‘S koschtet, glaawich, wennicher ass $25.

    Selle Kinnerbicher finnich guut fer kaafe un gschpaschich fer lese. Mer sott aa saage as Dindefass ass Ferausgewwer iss guut. Er hot guude Bicher ausgewehlt un schee iwwergemacht un wu mer sie kaafe kenn, sott mer duh!

    Schtruwwelpitter iss uff meinre Lischt!

    Griess aus NM,
    der Bil

  2. Jaa, ich hab fergess zer saage ass ‘s Buch vun Birmelin waar ‘Hans un Yarick’ ‘s heescht uff Hoochdeitsch ‘Max un Moritz’ wu mei Vadder arrich lieb ghot.

    Der liewe Bil

  3. Am letschte, die folyende:
    http://www.facebook.com/topic.php?uid=137845488322&topic=15283
    bil


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: