Eppes net deitsche!

Heit is Oschdermundaag un sell bedeidet as ich net zu re Arewet gehe muss. Heit waar ich hungrig fer eppes net normal. Wu ich wuhn, gebt es viel unnerschittliche Essbletz, weil es en grosse College Schtadt is. Ich waar hungrig fer eppes exotisch, so ich hab en Freind vun mir aagerufe un hab ihn zu Middaagsesse mit mir eigelaade. Mir hen ausgemacht in en koreanisches Essblatz zu esse.

Datt is wu mir gesse hen.

Es Essblatz heesscht “Kimchi”. Kimchi is en abbadiches Ding in Korea. ‘Sis en gewaerzde Graut. Viel Ess-sache in koreanische Koche sin gewaerzig mit viel Peffer drin. In em Essblatz waar alles uff Englisch un Koreanisch gschriwwe. Sell waar gut weil ich kann ken Koreanisch lese odder schwetze! Wie in annere Aeschian Lenner, muss mer mit de Chopsticks (net en Gawwel) esse.

Wie mer sehne kann, der Esszeddel waar uff Englisch un Koreanisch.

Fer en Voresse hab ich gewaerzige Reiskuche bschtellt. Die waar arrig appeditlich awwer zimmlich hees! Dann hawwich Rinsfleesch Japchae gesse. Sell waar Rinsfleesch mit Reisnoodel un viel unnerschittliche Gaardesaach. Aa in koreanische Koche hot mer allsfatt vier Schissele uff re Seite. Die sin eppes siess, eppes sauwer, eppes gewaerzig un glee bissel Kimchi.

Datt sin mei Reiskuche...arrig hees awwer arrig gut aa!

Die Jessica browiert mit ihre Chopsticks zu esse. Mer kann aa sehne, die vier unnerschittliche Schissele uff re Seite.

Alles waar arrig gut un ich waar arrig satt. Sell is gut ab un zu eppes unnerschittlich zu esse un zu erfaahre. Gleicht eich aa aeschian Ess-sache?

Do is en audio Klip: Eppes net deitsche

Published in: on 05/04/2010 at 14:47  Comments (4)  

The URI to TrackBack this entry is: https://deitscheblog.wordpress.com/2010/04/05/eppes-net-deitsche/trackback/

RSS feed for comments on this post.

4 CommentsLeave a comment

  1. Das Menu ist auf English und Chinesisch geschrieben. Das ist nicht koreanisch.

  2. Ben,

    Gross Dank fer dei Poscht. Sell hab ich net gewisst. Ich kann ken asichen Schprooche! Kannscht du Chinesisch lese odder schwetze?

    Der Doug

  3. Mir hen in Lengeschder en Essblatz wu mir koreanisches esse kenne. Was ich gesse hab waar arrig gut un ich hab’s gut gegliche. Aa Kimchi. Un bulgogi. Awwer ich saage allfatt, wenn mir mit Gawwel und Messer esse kann, fer was mit chopsticks?!

  4. I believe bulgogi is like a national dish in Korea. We want to try Indian cuisine next month and have also enjoyed Ethiopian dishes at a local Ethiopian Christian church. (there is actually an Ethiopian restaurant in Lancaster).


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: