Die Olympische Schpiele!

As viel vun eich schunn wisst, gebt es en grosse “zu duh” in Vancouver, Kanadaa. Alle vier Yaahre hemmer die Olympische Schpiele. Sell Yaahr hemmer die Winder Schpiele un in 2012 waerr es die Summer Schpiele in London gewwe. Ich paerseehnlich find die Winder Schpiele besser as die Summer Schpiele. Ich gleich die Ski,  Schlittschuh, Curling un Hockey Events zu sehne.

Do is die Logo vun de Vancouver Schpiele.

‘Sis allsfatt schee zu sehne, wann die ganze Welt friedlich zammekumme kann. In Vancouver gebt es meh als 80 Lenner uff de Vancouver Schpiele. Alle Owed kann mer im Guckbax die Schpiele aagucke. Ya, ich bin schtolz en Amerikaaner zu sei, awwer ich find as ich oftmols fer Schportler vun annere Lenner aa unnerschtitze. Sell find ich ok…mir sin alle Mensche, Gell?

Sell is schnelle Schlittschuh laafe. Sie geh arrig schnell!

‘Sis arrig schwer fer mich zu glaawe wie schnell und schtarrig die Schportlers sin (Mannsleit un Weibsleit). Die Downhill Ski Events sin so schnell. Wie kann mer iwwer 80 mph uff zwee schmaale Holzschticker uff em Schnee laafe? Odder iwwer 90 mph uff em gleene Schlitte uff em Eis faahre? Soddiche Leit sin verrickt! Awwer ich glaab as sie viel Schpass hawwe.

Ich wuensch as unsre Welt eftders friedlich zammekumme kennte. Schport bringt uns zamme. Ich wuensch as annere Dinge uns zammebringe kennte. Gleicht eich die Schpiele im Guckbax zu sehne? Was is eier Leiblingsschport bei de Olympische Schpiele?

Nooch eppes: Uff em 6. Matz gebt es en grosse Deitsche Fescht in Lebanon, PA. Do is en PDF File fer die Fescht. Geb Acht, ich waerr aa en Rede uff re Fescht behalde!

PA Germanfest

Do is en Audio Link: Die Olympische Schpiele

Published in: on 25/02/2010 at 06:58  Comments (5)  

The URI to TrackBack this entry is: https://deitscheblog.wordpress.com/2010/02/25/die-olympische-schpiele/trackback/

RSS feed for comments on this post.

5 CommentsLeave a comment

  1. Tja! Ich lieb die Winderschbiele un hab immi so (zidder ich Kind waar), awwe graad yetz hawwich kee Guckbox.

    Alle meine Employees sinn Schportler, un, leider (odde ferlleicht ee gude Ding), henn sie alle TVs. Joh, yede Marriye heerich was ich schunt fermisst hab, un ich muss saag ass’s mer weh duht bekaas fer 12 Yaahr waarich Schifaahrdietscher fer de Behinnerde. Schifaahre liewwich! So geht’s Lewwe, gell?

    ‘S iss ee gude Ding was Du beim Fescht machscht. Eeniche Daag binnich aa beriehmt (ferlleicht) bekaas ich hab geboddert fer mei Grossmudder ihre Dialekt lanne. PDs (German-Americans) solle die Schrooch bhalde, lanne, un weider ferbreede (un net ferhuddle)! Mer sinn aa Amerigaanisch!

    dei Freind aus NM,
    bil

  2. Ich hab dich geschder in Lebanon bei em Deitschfescht gheert. Ich hab gegliche was du gsaat hoscht.

    Mir hen aa es Schlittschuhlaafe geguckt. Ich gleich awwer arrig viel es Schlittschuhdanze. Sell waar schee un hat mich aa bewegt.

  3. Ich hab vergesse, frieher waar mei Naame “Huddelwisch”.

    Wie heest dei Facebook?

  4. Search Douglas J. Madenford

  5. Hab ich schon geduh. Hab dir en Freindaaspruch schon gschickt.


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: