Mei Grischtdaag Winsch un Video Gruss!

Selle Poscht browier ich eppes Neies. Ich hab en Video Poscht gemacht. Do is en Link zu re Video as ich gemacht hab. Ich hab es uff YouTube geposchdet. Do is der Link: http://www.youtube.com/watch?v=K7fSZtzyqts

Do is mei Poscht schriftlich:

Guder Daag Blog Lesern!

Ich hab gedenkt as es Zeit waar fer en Grischtdaag Video Poscht. Ich hab selle Blog schier gaar en Yaahr un hab meh as 3,000 Hits. Sell is en wunnerbaar Ding. Ich bin arrig froh as so viel Leit mei Blog bsucht.

Bevor ich mei Gruss saag, will ich een Ding aus em Heilige Schrift vun Matthaeus lese: “En Yungfraa soll en Kind unnich em Hatz draage un soll en Bu in die Welt bringe. Un sie solle em der Naame Immanuel gewwe. Sell heescht in Deitsch: Gott mit uns.” Ich hoff as mei Lesern net vergesse fer was Grischtdaag is.

Un nau winsch ich eich en hallicher Grischtdaag un en gutes Nei Yaahr 2010! Ich hoff as der Belschnickel bringt uns alle scheeni Gschenke, Gsundheit, Glick un Freehlichkeit.

Hallicher Grischtdaag an alle!

Published in: on 20/12/2009 at 11:57  Comments (2)  

The URI to TrackBack this entry is: https://deitscheblog.wordpress.com/2009/12/20/mei-grischtdaag-winsch-un-video-gruss/trackback/

RSS feed for comments on this post.

2 CommentsLeave a comment

  1. Ich bin so froh fer sehne, ass du nau aa en Guckbax Poscht geduh hoscht. Sell iss ferschur ebbes Abbadiches, un ich hoff, sell kummt widder samm Zeit. Ich winsch dir un dei Leser en hallicher Grischtdaag un en guud nei Yaahr 2010.

  2. Ich winsch dir en schee Rutsch ins NeiYaahr.
    Mir waar’s gut beim Grischtdaag. Am Wuchend vor Grischtdaag sinn ich un mei Sohn nooch Alb. mit der Maschien gfaahre un henn Freinde bsucht. Mittwuch hawwich Hunnichkuche gebacke (eeyentlich ‘Lebkuche’) un hab schier gaar alle ausgeschenkt an Freinde an der Aerwet. Grischtdaag Owwet hat’s ee bissel Gliewoi un Hunnichkuche gewwe (imminoh mit Schnee uffme Bodde 🙂 Weisser Grischtdaag!)

    Im des Yaahr alles scheint gut fer die Leit imme Schteddel. Ich schaffe im Hoschbiddel un mir henn wennicher ass 20 Peeschunts. Gewennlich, in daer Zeit sinn mir voll, ich meen meh als 45. Gudes Yaahr fer’s Schteddel awwe net fiel Aerwet fer uns — ‘s iss gut awwe.

    Ich hab bloos an alliebber saage welle “SCHEE RUTSCH INS NEI YAAHR!!”

    bil aus NM


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: