En guti Gschichte.

Do is en nei Buch iwwer uns Deitsche!

Do is en nei Buch iwwer uns Deitsche!

Selle Summer hab ich es Buch “From the Rhine to Penn’s Woods” vun Carl Frey Constein glese. Es Buch waar in 2008 gschriwwe. Der Schreiwer: Constein, is en Deitscher vun Barricks Kaunty. Er waar en Englisch Schulmeeschder un aa en Schulsuperintendent. Er hot in de Army Air Corps in dem zwetten Weltgrieg gfochde. Er hot iwwer 96 Missions in Asia gfloge. Sell Buch is net sei erschtes Schtick. Er hot annere Bicher iwwer sei Erfaahring in dem Grieg gschriwwe.

“From the Rhine” hot gaar nix mit dem Grieg zu duh. Sell Buch hot mit re deitsche Familye in die frieh 1700s zu duh. Do is en katze Auslegung vun der Gschichte:

Adam Staudt un sei Familye hen Frankenthal, ihre Paelze Schtadt, in 1753 verlosse um der Vernichtdung vun de Dreissig Yaahre Grieg zu darichwitsche. Nooch en erschreckliche zwee Munet lang Seerees, kumme sie in Philadelfi aa un gehne nooch de Doppelbock Settlement yuscht weschtlich vun Reading.

Die Staudts schteh Yaahre vun extreme Schtrapatze in der Busch aus. Dann kummt 1776. Ihr Soh Dieter lischdet in General Muhlenberg’s Armee un fechdet in de Schlachte um Philadelfi. Die Revolution is net mit der Grieg vorbei. Dieter is en Pennsylfaania Assemblyman un schpielt en wichdige Rolle in de Fries Rebellion, en Prodescht as helft John Adams die Leckschen zu verliere.

Es Buch is sehr gut gschriwwe. Es gebt der Leser en Guck in 18 Yaahrhunnert Lewe. Es auslegt wie die deitsche Familye uff em Frontier gelebt hen. Was aa gut is, is das Constein hot deitsche Wadde in sei Buch gyuust. Do is en Beischpiel vun Seite 6: “One day Adam noticed Catherine was not herself. ‘Was is letz, Liebschdi?’, he asked.”

Wann mer meh iwwer PA odder Deitsche in PA lanne will…les mol sell Buch! Wann mer yuscht en guti Gschichte lese will…les mol sell Buch! ‘Sis vun Green Button Inc gedruckt. Mer kann es bei Masthof Press kaafe. Geh mol zur www.masthof.com um es zu kaafe. Es Buch koschdet $15.00.

Published in: on 26/08/2009 at 13:48  Comments (4)  

Zerick vun dem wilden Wescht!

Guder Daag alli-epper! Well ich bin endlich zerick. Ich un mei Motorcycle sin iwwer 7,300 Meile darrich unser scheene Land gfaahre.

Ich bin darrich 18 Schtaate un 4 Zeitzones gfaahre. Ich hab 1,233 Pickder gnumme un hab 146 Galluune Gas kaaft.

Es waar waericklich en Adventure. Ich hab viel scheene Leit aagedroffe. Die Leit im Weschten sin arrig nett un paerseenlich. Viel Leit sin zu mir kumme un hen gsaagt: “Aye aye aye Pennsylfaania…du bischt weit Weck vun heem.”

Ich hab viel Zeit in viel vun unsere National Parks rumgebrocht. Sie sin unsere Schatze. Ich muss ehrlich saage as alle Amerikaaner solle sie ee Zeit bsuche.

Do sin ee paar Pickders vun meinre Rees:

Do bin ich uff meim Motorcycle in Michigan.

Do bin ich uff meim Motorcycle in Michigan.

Do is en Bison in Teddy Roosevlet National Park in Naad Dakota.
Do is en Bison in Teddy Roosevlet National Park in Naad Dakota.
Do sin ee paar Bariye in Glacier National Park, Montana.
Do sin ee paar Bariye in Glacier National Park, Montana.
Ich in en grosse Redwood Baam!
Ich in en grosse Redwood Baam!
Ich un der Grand Tetons in Wyoming.
Ich un der Grand Tetons in Wyoming.
Sell is der
Sell is der “Alde Gedreilich” in Yellowstone Naitonal Park.
Alli-epper weescht as sell is der Mount Rushmore!
Alli-epper weescht as sell is der Mount Rushmore!

Nau as ich daheem bin, kann ich widder uff em Blog schaffe. So geb Acht alle Woch fer en neie Poscht. ‘Sis gut widder zerick zu sei, awwer es waar aa wunnerbaar so viel vun meim Land zu sehne.

Published in: on 19/08/2009 at 09:56  Comments (9)