Guder Daag un Willkumm!

Guder Daag! Do is der Doug!  Ich hab gedenkt as ich en Blog uff Deitsch mache solle. So hab ich geduh. Ich hoff as viel Leit waerre sell Blog lese un aa Comments losse.

Nau glee bissel iwwer mich: Ich heess Douglas Madenford un bin Hochdeitsch Schulmeeschder an der Central Mountain High School. Ich wuhn in State College, awwer ich bin in Reading gebore un bin uff re Bauerei net weit Weck vun Centerport, Barricks Kaunty uffgwaxe. Uff re Bauerei mit meinre Familye is wu ich mei Deitsch glannt hab.

Ich waer browiere en neie Poscht alle Woch zu schreiwe. Es kann gschehe, as ich en Woch eppes nix schreiwe…sei ken bang…es waerd eppes neies gewwe.

Yuus sell Blog dei Deitsch zu bessere un dei Deitsch zu ausiewe. Wann du een Frog hoscht, schreib eppes. Du kannscht nadierlich uff Deitsch odder uff Englisch schreiwe. Ich waer browiere der Blog uff Deitsch zu uffhalde.

Viel Schpass bei lese un schreiwe. Do is en Pickder vun mir in Berlin letschte Summer.

 

Ich in Berlin, Deitschland

Ich in Berlin, Deitschland

Published in: on 28/01/2009 at 00:05  Comments (12)  

The URI to TrackBack this entry is: https://deitscheblog.wordpress.com/2009/01/28/guder-daag-un-willkumm/trackback/

RSS feed for comments on this post.

12 CommentsLeave a comment

  1. Gross Dank, Doug. Mir kenne hoffe, des watt en annrer Weg die Mudderschproch zu bewaahre unn hochhalde. Wichdich iss, as mer efders schreibt unn mir so im Kontakt mitenanner bleiwe. Ich hab en Gedicht schreiwe wolle iwwer unser neier Bresident unn sei Wahl. Hoffendlich kommich dazu. Sicher gebts annre Leit die aa en Meining driwwer hette. Der kann gut schwetze, sell iss gewiss. Ich hab gaern ihn losse.
    Mir winsche unn bede all, denk ich, as er der Kall fer selli Arrewet isch.
    Quinter in Adlkon, Schweizerland

  2. Mir sin woonerbaar froh as du sell blog gschtart hoscht. Halt die guud Aerwet aa un schreib als widder.

  3. Herr Madenford? 😮 Hallo!

  4. Hallo Doug,
    wie geht’s dir denn so? Hoffentlich ist der Sommer gut verlaufen. Kennst du zufällig ein altes Bühnenstück (1950er) mit dem Titel ,Papa is All’? Angeblich spielte es damals im William Penn Theater und zwar auf Penn-Deitsch. Sagt das dir etwas? Gruss von Dean auf LI, NY

  5. Dean,

    Sell kenn ich net. Hoscht du en Kopi? Ich gleich die alde Schticke fer die Theater zu lese un nadierlic h zu seh aa. Loss mich mol wisse was du weescht!

    -Der Doug

  6. Servus Doug!

    ich bin’s de Johann.
    Ich bin ganz schää iwwerascht dass es in de USA leit gibt wu pälzisch babbele kennen.
    Wäsch du noch wann dei vorfahre in die USA Kumme sin oder aus wellem Dorf oder Stadt die Kumme sin? Vieles vun deim Slang heert sich a wie in der gechend wu ich her bin.

    Gruß de Johann

  7. Joahn,

    Guder Daag! Ich bin froh as du mei Blog gfunne hoscht. Ya, was kann ich saage, mei Familye uff mei Daadi un mei Mammis Seite sin schunn lang do in Amerikaa. Uff mei Daadis Seit sin ee paar schunn sidder 1690 do in Amerikaa! Die meischte vun mei Vordaadis sin aus em Palz un Baden-Wuerttemberg kumme. Ich hab en Lischt vun all die Schteddele wuvun sie ausgewannert hen, awwer die Lischt iss arrig lang weil es gebt so viel! Wu wuhnscht du in Deitschland?

    Schreib mich mol zerick wann du die Zeit finne kannscht!
    -Doug

  8. Servus Doug,

    ich bin mit de pälzisch sprooch uffgewachse. Leider wellen immer wenicher junge leit die spooch schwetze weils nimmie in die heitich Zeit basst. Viele kennen a kee palzisch mee. Schaad…. Wennd en gude Job wilsch muschd hochdeitsch schwetze. Ich bin in Herxheim, Landau und Offenbach uffgewachse. In Speyer hewwich a schun gewohnt. Jetz wohn ich in Ketsch. Des is in Baden Württemberg, awwer nur 4 Kilometer von de palzer grenz weg. Ich muss nur iwwer de Rhein fahre un bin schon in Speyer in Rheinland Pfalz. Heidelberg is nur 10 Kilometer un Mannheim 20 Kilometer von mir weg. Ich fin des schee dass sich in de USA die palzisch sprooch iwwer 300 johr gehalde hot. Ach wenn in deim Slang schun e bissel amerikanisch drin is 😉
    Wenn ich Dir was helfe kann dann Loss es mich wisse!

    Scheener Gruß Johann

  9. Johann,

    Guck mol do rei: http://hiwwewiedriwwe.wordpress.com

    -Doug

  10. Guder Daag Doug,

    Fir alle dei Hilfe a gross Dank! Es hat fir mich a ganz nei Welt uffmache. Es nimmt mi a Wunder, wie schnell zu lehre. Ich brauche noch viel Iewing, no z no es gehts besser.

    En Friehyaahr fer die Mudderschprooch un Schewtz mol Deitsch!

    Carl

  11. Carl, Gross Dank fer die scheene Wadde! Gut Glick mit der Iewing!

  12. Hallo Douglas,
    Isch hab letschdenz “Hiwwe wie Driwwe” uff FB entdeckt un doi Video clip. Isch fins faschzinierend, dass in Omeriga paelzisch gschproch werd unn du so viel input machsch. Isch komm aus Baermesens (Pirmasens) im Paelzerwald unn bei uns werd noch braetes blatt gschproch, allerdings schreiwe duun mir Hochdeitsch. Isch hab vor im Ogtower no Omeriga zu fahre , wollt mol in Pennsilvenia vorbei wo noch paelzisch gschbroch werd. Do konnscht du mir bschdimmt a paar tips gaewwe. Liewe Griess aus de hinnapalz ,
    Silke


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: