Der Wilhelm Tell

Guder Daag Blog Leser! Selle Woch bring ich eich eppes anneres. Ich hab die gut bekannte Gschicht “Der Wilhelm Tell” iwwersetzt in Deitsch. Do iss die Gschicht mit Pickders vun der Ruth Beitat. Viel Gschpass bei Lese!

Der Wilhelm Tell

Der Kaiser Albrecht von Austria will die bis nau Unabhaengige Swiss Kantons Uri, Unterwalden un Schwyz fer sich gewinne, awwer die Leit wolle kenner Kaiser hawwe. Sie wolle frei sei. Der Kaiser schickt der Governor Gessler nooch Switzerland, um die Leit zu iwwerweise.

Da er mit Gutmiedlichkeit nix grickt, will der Gessler die Leit hatt behandele. Ee Daag schtellt er eene hohe Schtang uff em Blatz vun Altdorf uff un haengt sei Hut druff.

T2

All die Leit misse sich vor der Schtang nidderbicke un sie griesse. Zwee Wachtmenner gewwe Acht, un wann epper net grieest, schtroft mer ihn.

T3

Ee Daag kummt der Schiesser Wilhelm Tell mit seim gleenen Soh Walter nooch Altdorf un geht an der Schtang vorbei, mitaus sie zu griesse. Da kumme die Wachtmenner un wolle ihn uffschliesse.

T4

Der Gessler seht der Tell mit seinre Crossbow un de Feile un hot en schlechtes Gedenk. Er geht zu dem Tell un saagt: “Du griesst die Schtang net? Dann schmeiss ich dich in Bressen.” Der Tell lacht un andwattet: “Ich kann net glaawe, as du een so en dumme Befehl gebscht, en Schtang zu griesse.”

T5

“Ich will dir nooch en Gelegeheit gewwe,” saagt der Governor zu dem Tell, “wann du uff achtzig Schridde deinem Soh en Eppel vum Kopp schiesscht, bischt du frei.”

T6

Der Tell hot Bang un saagt: “Ich schiess net!” “Wann du net schiesscht,” saagt der Gessler, “odder wann du der Eppel verfehlscht, waerr ich dich un dei Soh dodmache.”

Tell1

Der Tell nemmt zwei Feile un schteckt sie uff die Crossbow. Er zielt, schiesst un drefft der Eppel. Die Leit schreie mit Freed.

Tell2

“Ferwas hoscht du zwee Feile bei dir?” froogt der Gessler. “Wann ich der Eppel net gedroffe hett, waer der zwette Feil fer dich gewest,” saagt der Tell zum Governor. Der Gessler iss bees un saagt: “Ich mach dich net dod, awwer ich schmeiss dich in Bressen, wu du weder die Sunn odder der Mond sehscht.”

Tell3

Dann hot der Gessler der Tell aagebunne un uff seim Schiff gebrocht. Er bringt ihn uff sei Castle in Kussnacht un dann in Bressen.

Tell4

Awwer mitte uff dem Wasser kummt en hatter Schtaerm. Es wedderleecht un dunnert un reggert. Der Fuhrmann verliert sei Weg.

Tell5

Alli-epper wisse, as der Tell net yuscht en guder Schiesser waar, awwer aa en guder Fuhrmann waar. Yuscht er kann es Schiff un die Leit redde. Der Governor macht der Tell frei un der Tell bringt es Schiff sicher ans Land.

Tell6

Am Land in Kussnacht sin sie aakumme, der Tell tschumpt schtarrick uff en Schtee un schiewt es Schiff widder in die Welle zerick. Aerscht viel schpeeder iss der Governor ans Land kumme, awwer der Tell hat sich verschteckt un waardet uff der Gessler.

Tell7

Der Governor schteigt aus em Schiff un will der Tell suche un in Bressen schmeisse. Da schiesst der Tell der zwette Feil in es Hatz vun em Gessler un er iss dod uff em Grund gfalle.

Tell8

Die Leit freet sich, as endlich der Governor dod iss. Sie wolle kenne annere Governor hawwe un schliesse en Bund, um fer ihre Freiheit zu fechde. Sell iss der Aafang der Swiss Confederation.

Tell9

Do iss en Audio Klip:

Published in: on 15/02/2014 at 17:38  Comments (1)  

The URI to TrackBack this entry is: http://deitscheblog.wordpress.com/2014/02/15/der-wilhelm-tell/trackback/

RSS feed for comments on this post.

One CommentLeave a comment

  1. Liewwer Doug,
    Dei Version vun Wilhelm Tell isch viel leichder zu verstehe als sell’re Novelle vun Friedrich Schiller-un genussreich dezu! Sicherlich weeschd du scho vun Projekt Gutenberg, wu ma alles Mögliche an Literatur koschdelos online lese ka‘, gell net? Do isch au die ganze Novelle vun Schiller awwer wer möcht so lange vorm Bildschirmle hocke?!! I haww e alte Fassung devo‘ doheem, awwer däs isch au e bissele viel—nadierlich kann i älls verstehe, awwer die isch lang, un die Sprooch isch aus d’r Zeet vun d’r Uffklärung, gell?! I haww au die Bilder ger‘ vun d’r gute Frau Ruth Beitat—wirkli wunnerbar hosch du sell z’ammeg’bracht! Dreimol hoch!!
    I hoff, dir gaht’s nur beschdens, un dei Familie au dezu—beschde Grüsse nomols aus’m verschneite Städtle weschdlich!!
    Jim Kramer
    Seller Pittsburgher Kerl


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 58 other followers

%d bloggers like this: