Meim Grossdaadi sei Yaahr – 1925!

Guder Daag Blog Leser. Am Mundaag hot mei Grossdaadi Madenford Gebottsdaag. Er waerr 89 Yaahre alt sei, un er behaevt sich wie er yuscht 40 Yaahre alt waar. Er hot viel Glick as er so gsund iss, un mir sin aa dankbaar as er so aktiv un allsfatt nooch rutschig iss. Im Ehre vun sei Gebottsdaag, hawwich gedenkt as ich en Blog Poscht iwwer sei Gebottsyaahr, 1925, schreiwe. Do sin die wichdige Dinge die im Yaahr bassiert sin.

Yenner

3 – Der Benito Mussolini (Il Duce) hot bekannt gemacht as er der neie Diktator in Italy waar.

5 – Die Nellie Tayloe Ross waar die aerschde weibliche Governor (Wyoming) in Amerikaa.

Die Nelly Tayloe Ross, aerschde weibliche Governor in Amerikaa.

Die Nelly Tayloe Ross, aerschde weibliche Governor in Amerikaa.

Hanning

10 – Mei Grossdaadi, der Ray Henry Madenford, iss in State Hill, Barricks Kaunty gebore.

21 – The New Yorker Magazine gebt sei aerschde Schtick raus.

Matz

4 – Dem Bresident Calvin Coolidge sei Inauguration waar die aerschde Inauguration die mer uff em Schwetzkaschde heere kennt.

Der 30. Bresident: Calvin Coolidge.

Der 30. Bresident: Calvin Coolidge.

18 – Die Tri-State Tornado, die deedlichschde in Amerikaanische Gschicht, schpringt darrich Missouri, Illinois un Indiana. 695 Leit sin gschtarewe un 2,027 Leit sin beschaedicht.

Abrill

10 – Der F. Scott Fitzgerald gebt The Great Gatsby raus.

Dem F. Scott Fitzgerald, sei bekanntes Buch: The Great Gatsby.

Dem F. Scott Fitzgerald, sei bekanntes Buch: The Great Gatsby.

Moi

5 – In Dayton, Tennessee, Biology Schulmeeschder, der John Scopes, iss feschtgenumme fer sei Laerne vun dem Charles Darwin sei Gedenk vun Evolution.

Tschunn

6 – Die Chrysler Corporation iss vun dem Walter Percy Chrysler erschafft.

29 – En 6.8 Aerdbeewing beschaedicht Santa Barbara, Kalifornia.

Tschulei

10 – In Dayton, Tennessee, die so genaamte “Monkey Trial” faangt mit dem John T. Scopes aa.

Schulmeeschder, John T. Scopes.

Schulmeeschder, John T. Scopes.

18 – Der Adolf Hitler gebt sei paersehnliche Manifesto “Mein Kampf” raus.

21 – Der John T. Scopes iss schuldig gefunne vun re Laerne vun Evolution un muss $100 bezaahle.

Aaguscht

8 – Die Ku Klux Klan zeigt wie bekannt sie sin mit en grosse Schtrutz in Waschington DC. 40,000 Mannsleit un Weibsleit (Mitglieder vun re Klan) sin uff em Pennsylvaania Avenue gschtrutzt. Im Yaahr, ‘sis gerode as baut 5 millyonen Leit sin in re Klan. Zu re Zeit, waar es die greeschde Fraternal Organization im Land.

Die Ku Klux Klan in Waschington DC.

Die Ku Klux Klan in Waschington DC.

September

3  – Die Dirigible Shenandoah iss iwwer Caldwell, Ohio uffgebroche. 14 Leit sin gschtarewe.

Oktower

1 – Mount Rushmore National Memorial in Sudd Dakota iss eigweidt.

November

28 – Die wochliche Country Myusick Brogramm, Grand Ole Opry, iss fer die aerschde Mol uff em WSM Schwetzkaschde in Nashville, Tennessee gschpielt.

Diesember

1- Die Locarno Teaties sin in London unnergschriwwe.

Der Gustav Stresemann, der Austen Chamberlain un der Aristide Briand in Locarno.

Der Gustav Stresemann, der Austen Chamberlain un der Aristide Briand in London.

Bekannte Leit die aa im 1925 gebore waare: Paul Newman, Jack Lemmon, Malcolm X, Tony Curtis, Barbara Bush, Medgar Evers, Merv Griffin, Bill Haley, Peter Sellers, Mel Torme, B. B. King, Margaret Thatcher, Angela Lansbury, Johnny Carson, Robert F. Kennedy, Sammy Davis Jr., un Dick Van Dyke.

Bekannte Leit die im 1925 gschtarewe sin: Sun Yat-sen, John Singer Sargent, Pancho Villa, William Jennings Bryan, un Christy Matthewson.

Mir kenne sehne as viel im Yaahr 1925 bassiert iss. Awwer fer mich, yuscht ee Ding iss wichdig: meim Grossdaadi sei Gebottsdaag! Mitaus sell, waerr ich net do sei! Hallicher Gebottsdaag Grossdaadi!

Ich, mei Grossdaadi, un mei Bruder im Schpotyaahr 2013.

Ich, mei Grossdaadi, un mei Bruder im Schpotyaahr 2013.

Published in: on 08/02/2014 at 08:42  Comments (3)  

The URI to TrackBack this entry is: http://deitscheblog.wordpress.com/2014/02/08/meim-grossdaadi-sei-yaahr-1925/trackback/

RSS feed for comments on this post.

3 CommentsLeave a comment

  1. An Ihren Opa beste Grüsse und alle guten Wünsche für stete Gesundheit und viel Freude anlässlich seines Geburtstags! An Sie, Herrn Madenford, ebenso beste Grüsse und ebenso wenn auch unbekannterweise an Ihre Familie! Ich hoffe ja, dass es Ihnen nur bestens geht, und dass dieser Winter nicht zu schlimm wird, d.h. was das Autofahren und auch Laufen betrifft. Hier in Pittsburgh ist es momentan im Allgemeinen nicht zu eisig, obwohl einige Stellen noch ungesalzen und verschneit stehen. Ich bin so froh, dass Sie Ihren Opa noch dabei haben. Meine Grosseltern sind schon seit vielen Jahren entschlafen, meine Mutter und mein Vater ebenso. So ist es, nicht wahr? Ich aber bin nicht allein: wie das von Ihnen zietierte Lied (aus der Unparteiischen Gesangversammlung der Amischen und Mennoniten) so schön lautet: „…denn wenn ich ganz verlassen scheine, vertreibt mir Jesus selbst die Zeit.“ Ich kann mir vorstellen, der Opa muss sehr stolz auf Sie sein, weil Sie so schön Deitsch und (glaube ich ja) auch Hochdeutsch können, Sie unterrichten nicht nur auf der Sekondarschule sondern auch auf der Universität, und dazu sind Sie ein guter Ehemann und Vater ! 1925 ist übrigens nur 2 Jahre vor dem Geburtsjahr meiner Eltern, also freue ich mich doppelt für Sie und bin ja sicher, dass Sie jeden Moment des Beisammenseins mit dem Opa und Ihrer Familie schätzen. Nochmals grüsst Sie herzlich aus der ehemaligen Stahl-und Eisengegend
    Ihr
    Jim Kramer
    „Seller Pittsburgher Kerl“

  2. Schee geduh. Ich hab schunt gsaagt ass mer selle en Team saamle fer en Ahlmenaeck mache . . . . was denkscht? Du hoscht en gude Schtaert gemacht. Selle mer weider geh?

  3. Was iss dei grosse Blan? Was witt du alles neihawwe?


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

Follow

Get every new post delivered to your Inbox.

Join 57 other followers

%d bloggers like this: