En Bsuch!

Den Mariye bin ich drauss zu meinre Maschien gange um uff die Arewet zu faahre. Ich hab uff eppes Acht ghatt as mei Lumbereikann umgegloppt waar. En Sack vun Lumberei waar iwwer em Grass rumgezoddelt. Ich waar sehr bees un ich hab graad gwisst was gschehe is…ich hab en Bsuch vun em Bar ghatt.

Nau is die Zeit as die Bare aus ihre Winderschloof kumme. Sie hen Hunger un suche eppes zu fresse. Ich wuhn in die Bariye un in dem Busch. Mei Lumbereikann is graad newwe mei Dier.  Der Bar hot mei Lumberei groche gemisst un is kumme um en Iems zu hawwe. Es is wie en Dieb in midde die Nacht zu meim Haus gegraddelt hot. Er hot uff em Lumbereikann mit sei Dobe gschtanne un hot es rumgezoddelt. Dann hot er der Sack rausgnumme un hot es in em Grass verroppt. Er hot gfresse was er gewollt hot un is weiter gange.

En schwatze Bar...wie mei Bsuch.

En schwatze Bar...wie mei Bsuch.

Ich denk ich muss mei Lumbereikann im Gratch losse. Datt kann der Bar es net finne. Hett epper vun eich so en Problem mit Bare ghatt? Ich hoff net!

Published in: on 27/05/2009 at 16:24  Comments (3)  

En Daag fer unsere gfallene Soldaate!

Alle Moi feiere mir “Memorial Day” do in Amerikaa. Sell is en wichdige Feierdaag fer uns. Es is en Daag fer unsere gfallene Soldaate. Viel Leit gehne zu dem Karichhof un schtelle Blumme uff em Graewe. Die Karichhoffe schtelle gleene amerikaanische Faahne uff em Graewe vun Soldaate. Es is schee un aa bedauerlich alle die Blumme un Faahne uff em Karichhoffe zu sehe.

Memorial Day is aa fer mei Familye wichdig. Meinre Grossmudder ihr Bruder is in dem zwetten Weltgrieg gschtarewe. Er is in Yuni 1944 in Frankreich gfalle. Er hot fer sei Land gfochde un hot die grosse Preis bezaahlt. 

Die Omaha Beach Karichhof in Frankreich. Viele Amerikaanische Soldaate sin datt be-erdicht.

Die Omaha Beach Karichhof in Frankreich.

Viele Schtedt hen aa Ceremonies un Schtrutze um die gfallene Soldaate zu ehre. Ich hoff alle vun eich waere uff em Mundaag en gleene Pause mache um “Danke aa” zu saage. Die Soldaate die gfochde hen un die Soldaate die Heitzudaage in Irak un Afghanistan sin, hen es verdient.

Published in: on 20/05/2009 at 17:19  Comments (1)  

En deitscher Film?

Well, der Summer is schier gaar do, un sell bedeidet viele grosse Filme waerre in die Theaters sei. Es is schunn begonne. Star Trek un Wolverine hen schunn iwwer $101 Milliyuun gemacht! Sell is hart zu glaawe awwer sell is Waahrheit!

Mei Frooge fer eich selle Woch is: fer was gebt es ken Filme mit de Deitsche zu duh?  Sin mir zu langweilich en Film driwwe zu mache? Ich kenn yuscht en Hollywood Film der eppes mit uns zu duh hot. Selle Film waar Witness mit dem Harrison Ford. Ich bin sicher as die meiste vun eich hett selle Film gsehne! Es waar sehr gut gemacht un hot viel Geld verdient. Witness waar in 1985 gemacht. Ich denk es is Zeit fer en annere Film iwwer die Deitsche rauszukumme…Gell?

Do is en Poster fer der Film Witness vun 1985.

Do is en Poster fer der Film Witness vun 1985.

Ich glaab die grosse Problem is was waerd die Gschichte sei? Heitzudaage muss die Filme viel Action hawwe. Uns Deitsche sin eigetlich net so eiferichdich. Es is aa wichdig fer en Film viel Blut un viele Flinte zu hawwe…widder sin mir net so “Schiess Froh”. Na ya mir yaagt gaern awwer sell is es….net meh. 

Yawell ich glaab es waerd ken deitsche Film gewwe. Hett eich Gedanke fer en neie Deitsche Film? Waerd es lecherlich, bedauerlich odder viel Action hawwe? Loss mol en Comment mit deine Gedanke odder en gute Naame fer en neie Deitsche Film.

Published in: on 14/05/2009 at 17:38  Comments (3)  

Mudderdaag!

Selle Sunndaag is en wichdige Feierdaag…der Mudderdaag. Fer was hen mir selle Feierdaag? Ich glaab selle Frooge ganz eefach zu antwadde is. Die Mudder hen en Daag in Yaahr fer sie weil die annere 364 Daage sin Arewetdaage fer sie. Ich kann ganz sicher saage as es niemand gebt die so wichdig as dei Mudder is….Gell?

Yuscht denk mol was sie alles fer dich gemacht hot! Sie hot dich fer nein Munet lang in ihre Bauch gedraage. Dann hot sie viel Schmatze ghatt um dich in re Welt zu bringe. Dann hot sie die naegschde 18 Yaahre ihre Lewe fer dich gewwe….fellig. Sie hot fer dich gekocht, dei Gleeder gwesche, sie hot dich iwwer all gfaahre um Dinge zu duh. Hot sie eenichmol geglaagt? Mei nicht.

Mudderdaag is nau schwer fer mich. Ich hab mei Mudder in Auguscht 2006 verlore. Sie hot Grebs in ihre Draagsack ghatt. Sie waar bloss fer drei Munet grank bis sie gschtarewe is. Es macht mich allsfaat bedauerlich wann die Mudderdaag widder rumkumme.

Ich hoff as alle vun eich eppes schee fer dei Mudder am Sunndaag duh! Nemm sie zu en Essblatz odder koch sie eppes! Un mach fer schurr as du sie en grosse Boss gewwe!

Published in: on 07/05/2009 at 18:40  Comments (2)  
Follow

Get every new post delivered to your Inbox.

Join 57 other followers